Faroole oo iska laaluushay Gudoomiyihiisa Baarlamaanka si uu u meel mariyo rabitaankiisa

Madaxweynihii xilligiisu dhamaaday ee C/raxmaan Faroole ayaa wuxuu iska laaluushay Gudoomiyihiisa Baarlamaanka C/rashiid Maxamed Xirsi, wuxuuna arintaasi u sameeyay si uusan u hor istaagin arimaha la horgeynayo Xildhibaanada fadhiidka ah ee Garowe.

Gudoomiyihii Baarlamaanka ee wakhtigiisu dhamaaday C/rashiid Maxamed Xirsi ayaa waxaa loo gaday laba gaari oo Landcruiser ah oo Layla Calawi ah, wuxuuna ka sii kireystay hay’addaha magaalada Garowe ee gobolka Nugaal.

Waxaa kaloo loo dhisay Gudoomiyaha guri filla ah oo ku yaalla magaalada Garowe, gurigaasi oo lagu yiri ku naso, waxaana sidoo kale la siiyay gaari uu ku tago xafiiskiisa oo uu ku socdo.

Barnaamijkani ayuu Faroole ugala dan leeyahay in C/rashiid uusan diidin ama ka hor iman wax kasta oo rabitaanka Faroole ah oo uu doonayo in uu ku sii heysto talada Puntland ee uu haatan xoogga ku joogo.